مرة واحد معاة ربع جنية
ففكر يعمل بية اية
يشرب عصير قصب ولا يركب الاتوبيس فقال:
انا لو ركبت الاتوبيس هيبقي في حل من الاتنين
يا اما هقف او هقعد
ولو وقفت مش هيبقي في اي مشكلة
لكن لو قعدت هيبقي في حل من الاتنين
يا اما هيقعد جنبي راجل او هنقعد جنبي ست
ولو قعدت جنب راجل مش هيكون في مشكلة
ولو قعدت جنب ست هيبقي في حل من اتنين
يا اما هنعجب ببعض يا اما مش هنعجب ببعض
لو ماعجبناش يبقي مفيش مشكلة
ولو اعجبنا ببعض هيكون في حل من الاتنين
يا اما هنتجوز يا اما مش هنتجوز
لو متجوزناش مفيش مشكلة
لكن لو اتجوزنا يبقي حاجة من اتنين
يا اما هنخلف يا اما مش هنخلف
لو مخلفناش يبقي مفيش مشكلة
لكن لو خلفنا عيال هيكون في حاجة من اتنين
يا اما هنخلف ولد يا اما هنخلف بنت
لو خلفنا بنت يبقي مفيش مشكلة
لكن لو خلفنا ولد هيبقي في حاجة من الاتنين
يا اما هيستقيم يا اما هينحرف
لو استقام مفيش مشكلة
لكن لو انحرف يبقي حاجة من اتنين
يا اما هيدمن او مش هيدمن
لو مادمنش يبقي مفيش مشكلة
لكن لو ادمن يبقي حاجة من الاتنين
يا اما معاة فلوس او مش معاة فلوس
لو معاة فلوس يبقي مفيش مشكلة
لكن لو مش معاة فلوس يبقي حاجة من الاتنين
يا اما هيسرقني او هيقتلني
يقتلني!!!؟؟؟؟؟
لا يا عم انا هشرب عصير قصب احسن
__________________
